Pagninilay

Pagninilay
12.07.10

Ang hirap katunggali ng emosyon
Habang ang isang pakiramdam
ay dumudurog sa katikasan
Habang ang hapdi ay naglalaro
sa damdamin
Parang tortyur sa bawat araw
ang kabiguan.

Dumadaloy at nakatatak na
sa isipan
Mas madaling tiisin
ang karamdaman
Mas madaling harapin
ang kamatayan
Kesa parang pulubing
namamalimos ng awa.

Itinakda ng lipunan ang kalagayan
ng mahirap
Itinakda rin ba na ang mayayaman lang
ang may kaginhawaan?
Pinakamaswerte pa rin
ang hindi pa naisisilang
Sapagkat hindi pa nila nararanasan
ang pagkaitan.